Chet elda o'qishga oid kurslar ｜ Yaponiyaga o‘qishga borishni istasangiz, Sachi Xalqaro Maktabi ga marhamat

COURSE

Chet elda o'qishga oid kurslar

2026-yil aprel oyida boshlanishi rejalashtirilgan "Chet elda o‘qish bo‘yicha kurslar" haqida

Bizning maktabimiz 2026-yil aprel oyidan boshlab xalqaro talabalarni qabul qilish uchun Yaponiya Taʼlim, madaniyat, sport, fan va texnologiyalar vazirligiga akkreditatsiya olish bo‘yicha hujjat topshirish jarayonini olib bormoqda.

Agar tasdiqlov olinmasa, bizning maktabimiz orqali yapon tilini o‘rganish maqsadida "talabalik vizasi" olish imkoni bo‘lmaydi va shuning uchun Yaponiya hududiga kirish ham taqiqlanadi. Shu sababli, maktabimizga o‘qishga kirishni xohlagan talabalar bu holatni to‘liq tushungan holda o‘zlarining o‘qish rejasini tuzishlari so‘raladi.

Ariza topshirish jarayoni va natijasi haqida ma’lumotlar bizning maktab veb-saytimiz orqali muntazam ravishda e’lon qilinadi.

Dastur haqida ma'lumot

arrow_downward

Yapon tili ta'limi maqsadi

arrow_downward

Chet ellik talabalar uchun yapon tili
ta'limi dasturi haqida ma'lumot

JAPANESE LANGUAGE PROGRAM FOR INTERNATIONAL STUDENTS

Barcha Yaponiyaga o'qishga borishni reja qilayotganlar uchun dastur.

Ushbu kursda yapon jamiyatida muvaffaqiyatli faoliyat yuritish uchun zarur bo‘lgan ko‘nikmalarni har tomonlama chuqur o'rganishingiz mumkin. Kundalik suhbatlardan tashqari, amaliy muammolarni hal qilish qobiliyati va madaniyatlararo moslashuvga alohida e'tibor qaratilib, mutaxassislik sohalarida talab qilinadigan yuqori darajadagi yapon tili ko'nikmalarini egallaysiz.

Kursni tugatgandan so'ng yapon tilidagi darajangiz CEFRning B2 darajasiga (JLPT N2–N1) teng bo'ladi.

【 Karyera uchun yapon tili B2 kursi】

Ustunliklar

arrow_downward

O'quv dasturi

arrow_downward

Dars vaqtlari

arrow_downward

Yillik tadbirlar

arrow_downward

SACHI da o'qishning afzalliklari

BENEFIT

SACHIda o‘qishning afzalliklari nimada? Ta'lim dasturi, joylashuv va talabalarni qo'llab-quvvatlash kabi 3 jihatini ko'rib chiqamiz.

QUALITY OF EDUCATION

Biznes yig'ilishlarida va muzokaralar o'tkazishda qatnasha oladigan darajadagi yapon tili qobiliyatini (CEFR B2 darajasi) shakllantirish

SACHI ko'zlagan B2 yapon tili darajasi (JLPT N2–N1 darajasiga teng) biznes muhitidagi yig'ilish va muzokaralarda ishtirok etish imkonini beradi.
SACHI da puxta tahsil olish orqali, o'z yurtingizda egallagan mutaxassisligingizga oid ilmlarni qo'llab, Yaponiyada muvaffaqiyatli karyera qurish imkoniyatiga ega bo'lasiz.

QUALITY OF EDUCATION

Jamiyatda qo'llaniladigan muloqot qobiliyati va asosiy ijtimoiy ko'nikmalarni rivojlantirish

SACHI da, ko'nikmalar bo‘yicha darslardan tashqari, "Karyera yapon tili" va "Loyihalar" fanlari ham o'tiladi. Ushbu darslarda, kompaniyalarda ishlayotgan mutaxassislardan intervyu olib, amaliy muloqotga asoslangan yapon tilini o'rganasiz.
Shuningdek, yapon tilida kompyuter ko‘nikmalarini rivojlantirish va Yaponiyaning korporativ madaniyatini tushunishni dasturga kiritgan holda, bitiruvchilarni keyingi bosqichlarga oson o'tish imkonini beradigan dasturlarni taklif etamiz.

LOCATION

Tabiatga boy bog'lar va kutubxonalar yaqinida joylashgan bo'lib, shahar markaziga ham osongina chiqish mumkin.

SACHI atrofida piyoda boriladigan masofada Nagoya shahar kutubxonasi va yam-yashil o'simliklarga burkangan Tsurumai bog'i joylashgan. Shahar markaziga yaqin bo'lishiga qaramay, o'ta sokin joy. Bundan tashqari, modalar va madaniyat markazi bo‘lgan Sakae hamda anime do'konlari to'plangan joyi bo'lmish Osu savdo ko'chasiga ham yaqin. SACHI dan piyoda 30-40 daqiqada yetib borish mumkin. Transport vositalari ham juda ko'p va SACHI ga qisqa vaqt ichida borish mumkin. Nagoyaning jozibasidan bahramand bo'lib, yapon tilini o'rganish uchun barcha sharoit mujassam.

SUPPORT

Bitirgandan keyingi kasbiy ta'lim va karyera bo'yicha maslahatlar orqali kelajagingizni qo'llab-quvvatlash

SACHI da, birinchi o'quv yilidanoq tashrif buyuruvchilar sessiyasi va kompaniyalar bilan uchrashuvlar o'quv dasturiga kiritilgan. Shuningdek, muntazam ravishda shaxsiy uchrashuvlar o'tkazilib, "Mening shaxsiy karyeram" ni yaratishda o'qituvchilar va xodimlar ko'magi yo'lga qo'yilgan.

O'quv dasturi

COURSE CURRICULUM

Yapon jamiyatida faoliyat yuritishga imkon beruvchi yapon tili muloqot ko‘nikmalarini 2 yilda egallash

Kurs darslari tushgacha va tushdan keyingi soatlarda o‘tkaziladi ( 1 kunda 4 ta dars, har bir dars 45 daqiqa). Bir semestr 10 hafta davom etadi va yiliga 4 semestr o‘tkaziladi. 2 yillik kurs 8 semestrdan iborat bo‘lib, jami 1568 ta darsdan iborat. 2 yil davomida, A1 (JLPT N5 darajasiga teng) darajasidan boshlab, B2 (JLPT N2-N1 darajalariga teng) darajasidagi yapon tili muloqot ko'nikmalari o'rgatiladi. Yapon jamiyatida muvaffaqiyatli faoliyat yuritish uchun zarur bo‘lgan "gapirish (aloqa o‘rnatish, taqdimotlar), eshitish, o'qish, yozish" ko'nikmalari va "yapon tilida kompyuter bilan ishlash" malakalari har tomonlama chuqur ravishda o'rgatiladi.

※ Tushgacha yoki tushdan keyingi kurslardan biriga qatnashiladi.

Umumiy fanlar

Eshitish／o'qish／ javob-muomala qilish

630dars

Vazifalarni bajarish uchun boshlang'ich grammatika, so'z boyligi va ifodalar o'rganilib, ma'lumot olish ko'nikmalari boyitiladi. Yapon tilida qiynalmasdan muloqot qilish qobiliyatini shakllantirib boriladi.

Eshitish; gapirish

Eshitish; ／javob-muomala qilish

240dars

Talabalar "Umumiy fanlar" kursida o‘rgangan bilimlarini ishlatib, kasbiy va ijtimoiy mavzularga oid tushunchalarini mustahkamlaydi. Samarali muloqot qilish va o'z fikrini aniq ifodalash qobiliyatini rivojlantiradi.

O'qish; Yozish

O'qish;／Yozish

160dars

“Umumiy fanlar” kursida o'rganilgan bilimlardan foydalanib, talabalar yozma ma'lumotlar bilan samarali ishlashni mashq qiladilar. Mantiqiy va ishonarli yozish qobiliyatini yaxshilaydi.

Karyera yapon tili

Eshitish／O'qish／Javob muomala qilish／Taqdimot qilish／Yozish

300dars

Ish joyida zarur bo'lgan yapon tilida muloqot qobiliyatlarini rivojlantirishga yordam beradi. Munozaralar orqali karyera uchun asos bo'ladigan "o'zingizni anglash" ga ham ko'maklashadi.

Loyihaviy o‘rganish

O'qish／Javob muomala qilish／Taqdimot qilish／Yozish

190dars

Jamiyatdagi ijtimoiy muammolarni hal qilish va tadbirlarni rejalashtirish orqali qobilyatlaringizni har tomonlama rivojlantirib borasiz. Kompaniyalar va mahalliy aholi bilan muloqot qilish orqali amaliy ko'nikmalarga ega bo'lasiz.

Portfolio

Javob muomala qilish／Taqdimot qilish／Yozish

48dars

Rivojlanish uchun mustaqil ravishda o'qishni davom ettirish qobiliyatini shakllantirib, o'z bilimlarini baholash va mulohaza yuritish orqali kelajakdagi o'quv rejalarini ishlab chiqishingiz mumkin.

Dars vaqtlari

CLASS TIME

Har hafta

Tushlikkacha bo'lgan darslar

Tushdan keyingi darslar

Dushanba ~ Juma

9:00～12:20

13:00～16:20

Ertalab yoki tushdan keyingi kurslardan biriga qatnashiladi.

Yillik tadbirlar

EVENTS

SACHI yil davomida turli tadbirlarni o'tkazib, o'zaro aloqa hamda o'rganishga asoslangan to'laqonli maktab hayotini ta'minlaydi.

→Ko'rish uchun o'ngga suring

1-yil:4-aprel Qabul marosimi・5-may Madaniy tajriba・6-iyun Natijalar taqdimoti 1 Tibbiy ko‘rik Tanabata bayrami・7-iyul Natijalar taqdimoti 5 Tibbiy ko‘rik JLPT・8-avgust O‘quv sayohati・9-sentabr Favqulodda vaziyatlar bo‘yicha mashg‘ulot Maktabdan tashqari o‘quv mashg‘ulotlari Natijalar taqdimoti 2・10-oktabr Natijalar taqdimoti 6・11-noyabr JLPT Natijalar taqdimoti 3・12-dekabr JLPT Natijalar taqdimoti 7 2-yil:1-yanvar JLPT Natijalar taqdimoti 3・2-fevral O‘quv sayohati Natijalar taqdimoti 4・3-mart Madaniy hamkorlik tadbiri Natijalar taqdimoti 8 Maktab festivali

*O'zingizni reja va maqsadingizga qarab JLPT (Yapon tilini imtihoni) yoki Business Yapon tilini testi (BLT) topshirishni tanlashingiz mumkin.

SACHI da yapon tili ta'limining maqsadi

EDUCATIONAL GOALS

Turli madaniyatlilikni tadbiq etib kelajakka yo'l ochuvchi ta'lim

SACHI INTERNATIONAL SCHOOL turli madaniyatlar nuqtai nazaridan harakat qiladigan va jamiyatga hissa qoʻshadigan iste'dodlarni rivojlantirishga qaratilgan xorijliklarning madaniyatlararo istiqbollaridan maksimal darajada foydalanadigan yapon tili ta'limini taqdim etadi.

Talabalarga o'z karyeralarini o'rta va uzoq muddatli istiqbolda o'rganishga va o'zini namoyon qilishga erishishda ko'maklashish uchun talabalarni yaponcha muloqot ko'nikmalariga o'rgatibgina qolmay, balki ularning muntazam o'sishi uchun “mustaqil o'rganish ko'nikmalarini” egallashga va o'z-o'zini anglash asosida kasb tanlashga undaydigan ta'limni taqdim etamiz.

Xususan, loyiha va topshiriq asosida o'qitish orqali o'quvchilar turli madaniyatlar va ijtimoiy muammolar haqidagi tushunchalarini mustahkamlaydilar va xalqaro jamiyatning sifatida faol ishtirok etish hissini uyg'otadi. Har bir xalqaro talaba jamiyat a'zosi sifatida o'z fikrini ifoda etish va ularni amalda qo'llash qobiliyatini tarbiyalaydi.

Xilma xillikka hurmat saqlagan holda kelajakka poydevor bo'ladigan xalqaro ta'lim

Yapon jamiyati xilma-xillikni qabul qilib, chet elliklar bilan muloqotga kirishadigan yaponiyaliklar ham o'sishi uchun sharoit yaratishni maqsad qilganmiz.
Biz “xorijliklar = yaponlarning o‘rnini bosadigan ishchilar” degan tor qarash bilan cheklanib qolmasdan ajoyib global iste’dodlarni yetishtirishni niyat qilganmiz. Mahalliy hamjamiyat va korxonalar bilan bog'lovchi ko'plab nuqtalarni ta’lim dasturlarimizga kiritish orqali nafaqat chet ellik talabalarning yapon tili bo‘yicha ko'nikmalarini oshirishni, balki mahalliy aholi va korxonalarni chet elliklar bilan birga ishlashlari uchun zarur bo‘lgan tajriba bilan ham ta’minlashni ko'zlaganmiz.

Ushbu sa'y-harakatlar orqali biz millatidan qat'i nazar, yetakchi kadrlarni ishga oladigan, tarbiyalay oladigan Yaponiya jamiyatining o'sishi va rivojlanishiga hissa qo'shishga umid qilamiz.
Biz global iste’dodlarning keyingi avlodini tarbiyalash orqali millat, til va madaniy chegaralar bilan cheklanmaydigan, har bir inson o‘z yo'lini topa oladigan va jamiyat oldidagi burchini ado eta oladigan kelajakni yaratamiz.

Kerakli qobiliyatlarni mustaqil ravishda egallab borish qobiliyati・Yaponiyada karyerani o'stirishga yordam beradigan muloqot qobiliyati・Yangi madaniyatlarni tushunishga asoslangan global qobiliyat

SACHI tarbiyalashni maqsad qilgan shaxs qiyofasi

Ko‘p madaniyatli hamjamiyatni yetaklovchi kelajak avlod yetakchisi

SACHI International School ning maqsadi – turli madaniyatlar vakillari bo'lgan xalqaro talabalarni o'z salohiyatlaridan to'liq foydalanishga o‘rgatish orqali, ularni Yaponiya bilan dunyoni bog'lovchi kelajak avlod yetakchilariga aylantirish uchun ta'lim berishdir.
SACHI til ta'limi bilan birga chet davlat madaniyati va hamkorlik asoslari ta'limiga ham urg'u beradi. Bu orqali xalqaro talabalarni ichki rivojlanishiga hamda yapon tilidan foydalanish qobiliyatining oshishiga ko‘maklashamiz.

Muammolarni hal etishga qaratilgan yapon tili ta'lim dasturini shakllantirish orqali chet ellik talabalar o'zlarini boshlang'ich nuqta sifatida ko'rib, yaqin atrofdagi insonlar va mahalliy jamiyatga e'tibor qaratishlari, mas'uliyat hissi bilan turli muammolarga mustaqil yondashishlari va amaliy yechimlarni ishlab chiqishlari uchun yo'l-yo'riq ko'rsatamiz.

SACHI International School da tahsil olgan chet ellik talabalar Yaponiya jamiyatida ko'p madaniyatli hamjamiyatni oldinga boshlovchi faol ishtirokchilarga aylanishlari va turli madaniyat vakillari sifatida erkin va samarali faoliyat yuritadigan jamiyatni barpo etishlarini maqsad qilamiz.

SACHI ning o'z oldiga qo'ygan maqsadlari

Yapon tili va ijtimoiy ko'nikmalar orqali kelajak yo'lini ochib beruvchi ta'lim

SACHI International School nafaqat yapon tili bo'yicha bilimlarni, balki amaliy ijtimoiy ko'nikmalarini ham egallagan global kadrlarni tayyorlashga qaratilgan. Biz yetuk kadrlarni yetishtirish orqali jamiyatning farovonligiga hissa qo‘shish bilan bir vaqtda, chet ellik talabalar hayotini yanada boyitishni maqsad qilamiz.

SACHI da orttirilgan tajriba orqali talabalar o'z kasbiy yo'nalishlarini aniqlab, global nuqtai nazardan jamiyatga foyda keltiradigan shaxsga aylanishga intilishadi. Ushbu maqsadlarga erishish orqali, SACHI International School nafaqat talabalar, balki jamiyat uchun ham ahamiyatli ta’lim maskani bo'lishni maqsad qiladi.

O‘rta va uzoq muddatli karyerani qo‘llab-quvvatlash

CAREER SUPPORT

Yapon tilini o'rganishdan tashqari, ijtimoiy hayotda zarur bo'lgan amaliy ko'nikmalar va mustaqil o'rganish qobiliyatining rivojlanishini qo'llab-quvvatlaydi. Shuningdek, o'rta va uzoq muddatli karyera rejalashtirishni amalga oshirish imkoniyatini yaratadi. Xalqaro liderlik va muloqot ko'nikmalari kabi keng qamrovli ko'nikmalarni rivojlantirishni rag'batlantiradi.

Ko'p madaniyat vakillarining o'zaro hamjihat hayot kechirishlarini ilgari surish

MULTICULTURAL

Turli madaniyat vakillari bo'lgan talabalarni tarbiyalash va mahalliy jamoa hamda korxonalar bilan hamkorlikdagi ta'limni tashkil etiladi. Bu orqali mahalliy jamiyatda ko'p madaniyat vakillarining o'zaro hamjihatlikda yashashlarini targ'ib etish va chet elliklar bilan yaponlar birgalikda faoliyat yuritadigan muhitning ahamiyati singdirib boriladi.

Umr bo'yi o'rganishni targ'ib qilish

LIFELONG LEARNING

Bitiruvchilar tinimsiz o'sishlar, ularning "networking" tarmoqlarini kengaytirishlari uchun Alumni tarmog'ini (bitiruvchilar tarmog'ini) yaratamiz. Talabalar o'rtasida, shuningdek, talabalar va o'qituvchilar o'rtasida chuqur aloqalar o'rnatish imkonini beradigan platformani faollik bilan shakllantirib boramiz. Shuningdek, bitiruvdan keyin ham izchil qo‘llab-quvvatlash tizimini ishlab chiqamiz.

Maktab qoidalari

Maktab qoidalari haqida umumiy ma'lumotni taqdim etamiz. Maktab hayotining muammosiz kechishi uchun iltimos, tanishib chiqing.

Qoidalarni ko‘rish (Ruxsat olingandan so‘ng e’lon qilinadi)download

mail

Contact

Murojaatlar

phonelink_ring Telefon orqali murojaat qilish

052-888-7755

mailElektron pochta orqali murojaat uchun

Murojaat shakli

arrow_forward

Please follow us!

Instagram

Facebook

COURSE